बुधवार, 9 अप्रैल 2025

बघेली क‍विता - आसव के सरपंची मा

बघेली कविता
आसव के सरपंची मा
आसव‌ के सरपंची माहीं,‌ तनिगा खासा बंगला,
सरकारी पैसा काहीं ईं, मसक लिहिन‌ ही सगला।

सचिव साहब के खासा जलवा, पहुड़े टांग पसारे,
खाय खाय गभुआर के पइसा, सोमैं थूथुन फारे।

हम पंचायत भवन मा देखन, बंद रहत है ताला,
गोरुआ भइसीं लोटि रहे हें, कोउ न पूछय वाला।

उहय भवन‌ के भीतर भइया, बइठ लाग हें दद्दी,
धइ के चिखना देशी‌ वाला, छानैं पउआ अद्धी।

ऊपर सेही जॉंच करैं जब, आबत हें अधिकारी,
उनहूं बइठिके इनखे संघे, पेलय खूब सोहारी।

बॉंच रहा जउं चाउर गोहूं, भरिके चार ठे बोरी,
बिकन‌ के कोटेदार कहत‌ हें, रातिके होइगै‌ चोरी।

घर सेहीं जनपद पंचायत, सबतर इनखर जलवा,
नीचे से ऊपर तक सलगे, छानैं पूड़ी हलवा।

केसे जाय गोहार‌‌‌ लगाउब, केसे करब शिकायत,
सब इनहिन के मनई आहीं, सांसद अउर विधायक।

कवि प्रियांशु कहत हें भाई, हम न लेबै नाव,
चली बताई अपनै पंचे, आय कउन व गाँँव। - कवि प्रियांशु 'प्रिय' सतना (म.प्र.)

कोई टिप्पणी नहीं:

एक टिप्पणी भेजें

कविता- जीवन रोज़ बिताते जाओ

       जीवन रोज़ बिताते जाओ                                                                                भूख लगे तो सहना सीखो, सच को झूठा ...